Mandalaly, Italy
ၽြႃးလူင် မႁႃႇမျၢတ်ႉမုၼိၼႆႉ မီးဝႆႉတီႈ ၸဵင်ႇၸၢၼ်းဝၼ်းတူၵ်း ဝဵင်းသေ ပဵၼ်တီႈ ၵူၼ်းမႃးလူႇမႃးဝႆႈ ၼမ်သေပိူၼ်ႈ ထူၼ်ႈသွင် ၼႂ်းမိူင်းယဝ်ႉ။ ႁူၼ်ႁၢင်ႈၽြႃးပဵၼ်ၸဝ်ႈၼႆႉ ဢဝ်ၶမ်းသေလေႃႇလွင်းယဝ်ႉသေ ဢဝ်တင်း ၵႅဝ်ႈသႅင်ၸိူဝ်းၼႆႉ ႁၢင်ႈၶိူင်ႈဝႆႉသေ တၢင်းသုင် မီး 4 မီႇတႃႇၼႆႉယဝ်ႉ။ ၵူၼ်းၸိူဝ်းမႃးလူႇမႃးဝႆႉၶဝ်ႈ ၸၢင်ႈလူႇတၢၼ်း ၵၢပ်
ႈသၢင်ႇၵၢၼ်းၶမ်း။ ၵူၺ်းၵႃႈဝႃႈ တႃႇတေၶဝ်ႈတီႈၼႂ်း ၶွင်ႉၽြႃးၼၼ်ႉ ၼၢင်းယိင်းဢမ်ႇလႆႈၶဝ်ႈ၊ ထုၵ်ႇႁႄႉႁၢမ်ႈဝႆႉယဝ်ႉ။ ၵူၺ်းၵႃႈဝႃႈ ၵူၼ်းၸၢႆးတႄႉ ၸၢင်ႈၶိုၼ်ႈတီႈၼိူဝ် ပလၢင်ႇၽြႃးသေၵေႃႈ ၵၢပ်ႈလူႇပႃႉၶႅပ်းၶမ်းလႆႈယဝ်ႉ။ ႁူၼ်ႁၢင်ႈၽြႃးၼႆႉ ဢဝ်မႃးတီႈမိူင်းရၶႅင်ႇ ယဝ်ႉ။ တီႈႁိမ်းၶၢင်ႈ ၵျွင်းၽြႃးလူင်ၼၼ်ႉ မီးဝႆႉ ႁူင်ႁၢင်ႈတွင်း ဢၼ်လၵ်ႉဢဝ်မႃးတီႈ မိူင်းရၶႅင်ႇသေ ႁူၼ်ႁၢင်ႈၸိူဝ်းၼၼ်ႉၵေႃႈ ပလိၵ်ႈထႆးၶဝ် ႁိမ်ဢဝ်မႃးတီႈ Ang Kor Wat သေ လုၵ်ႉတီႈ မိူင်းထႆးသေ ၽႅဝ်မႃးယဝ်ႉ။ ပေႃးတူၺ်း တူဝ်ၼပ်ႉမၼ်းဝႆႉ ဢၼ်ဢၢပ်ႈၵဵဝ်ႇလူၺ်ႈ Shiva လႄႈ Airavat, Indra ဢၼ်မႃးၼႂ်း ဢပုမ်ႇႁိၼ်ႇတူႇၶဝ်ၼၼ်ႉယဝ်ႉ။ ယွၼ်ႉပိူဝ်ႈဝႃႈ ၵူၼ်းဢွၼ်ၵၼ်ယုမ်ႇယမ် ပေႃးၵႂႃႇ ပွတ်ႈတီႈ တူဝ်ၶိင်း ႁူၼ်ႁၢင်ႈၸိူဝ်းၼၼ်ႉၸိုင် တၢင်းပဵၼ်ရေႃးၵႃႇ ဢၼ်တိတ်းၸပ်းဝႆႉၼၼ်ႉ ႁၢႆၶႅၼ်းၼႆလႄႈ ဢွၼ်ၵၼ်လုမ်ႈလုမ်ႈၵမ်းၵမ်း ႁူၼ်ႁၢင်ႈၼၼ်ႉယူႇယဝ်ႉ။ တီႈတႅၼ်ႈမုင်း တၢင်းၶဝ်ႈၸူး ၵျွင်းၽြႃးၼၼ်ႉၵေႃႈ မီးဝႆႉ ႁွင်ႈၶၢႆၶူဝ်းၶွင် တီႈမၢႆတွင်း ၵူႈမဵဝ်းမဵဝ်းယဝ်ႉ။ ၵူၼ်းႁူဝ်ပၢၵ်ႇမၼ်းၼႆႉ ဢွၼ်ၵၼ် မႃးဝႆႈ ၽွင်းသုၵ်ႈၼႃႈၽြႃးပဵၼ်ၸဝ်ႈ ၼၼ်ႉသေ ပဵၼ်ၶၢဝ်း 04:40-05:00 မူင်းယဝ်ႉ။ ပေႃးတေထႆႇႁၢင်ႈၼႆ ၵဵပ်းငိုၼ်း 1,000 ၵျၢပ်ႈယဝ်ႉ။
Listen to the audio guide for Mahamuni Buddha Temple Free on WIP — starts by itself when you arrive, even with the screen off